Кога моето тело би можело да прозбори, која приказна би ја раскажало?
Ние чуваме многу нешта во нашите тела – тие се повеќе од збир на нивните физички компоненти. Покрај лузните од паѓање со велосипед од детството и прегратките со саканите, ги содржат и нашите неотпуштени емоции, омилените активности и искуствата во кои не сакаме често да гледаме, зборовите кои сме ги апсорбирале од светот и пораките кои многупати сме си ги кажале пред огледало. Нашите тела, едноставно, се полни со историја, енергија, приказни, мудрост и мали посебности кои се само наши.
На оваа работилница од циклусот “Мое тело, моја приказна”, истражувавме: што раскажува моето тело, и колкава е мојата контрола врз тој наратив?
Работата се одвиваше низ практични вежби и слободна дискусија во пријателска и безбедна атмосфера, под водство на Марија Грубор и Ана Тодоровска, лиценцирани психолози и обучени практичари на работа со теми поврзани со телото. Се гледаме на следната!
