ЦЕНТАР ЗА ПСИХОЛОГИЈА
АЛХЕМИА
СОЈУЗНИК НА ВАШЕТО МЕНТАЛНО ЗДРАВЈЕ
АЛХЕМИА е центар посветен на внатрешната алхемија — процес на лична промена низ свесна трансформација која вклучува преобликување на внатрешните мисли, чувства и уверувања со цел постигнување на повисоко ниво на саморазбирање, самоуправување, емоционална зрелост и прилагодливост на животните предизвици — што овозможува ментално здравје и личен развој.
Ние сме многу повеќе од своите негативни мисли, чувства и одлики, и секој од нас заслужува добросостојба. Никогаш не е доцна за внатрешна обнова. Најдобриот момент да се запознаеме себеси подобро и да го создадеме значењето на својот живот е секогаш сега.
НЕГУВАЈ ЈА СВОЈАТА ВНАТРЕШНА ГРАДИНА
Поквалитетна реалност ни е достапна секогаш кога ја превземаме одговорноста да носиме одлуки кои го поддржуваат и унапредуваат нашето ментално здравје и добросостојба. Можеби не можеме да го контролираме животот, но секогаш имаме пристап до контрола врз себеси и сопствените реакции, избори и однесувања.
Дали би оставиле океанот да ве носи каде сака, или би сакале да управувате со бродот? Нашиот блог е тука да ви пружи инспирација за првите самостојни чекори кон позитивни промени.
ИЗБЕРИ НАДЕЖ
УЛОГАТА НА ПСИХОЛОШКАТА ПОДДРШКА
Кога менталното здравје ви се чини како безнадежен лавиринт, а проблемите и сомнежите се трупаат на секој чекор, знајте дека не морате сами да минете низ ова. Да се побара професионална помош не е одраз на слабост, туку напротив, храброст да се биде искрен и решителен во соочување со болката и користење на сите алатки за надминување на потешкотиите во менталното здравје.
Целта на психолошкото советување е да ви помогне да се разберете себеси и она што ви се случува, како и да ги зајакнете капацитетите за справување со животните предизвици. Со други зборови, да ви помогне подобро да си помогнете себеси.
Притоа, не мора да чекате да се случи криза за да побарате психолошка поддршка – клучен дел од работата на психологот е да делува превентивно, во “затишјето пред бурата”. Менталното здравје е витален дел од вашето целокупно здравје и заслужува да биде на прво место. Кои и да се вашите потреби, професионална психолошка поддршка е тука за да ви помогне да ги размрсите заплетканите нишки.
во добри раце си
Нашата цел е да ја вратиме насмевката на твоето лице и да те потсетиме на сите посебни моменти кој го прават животот убав и кој би те вратиле во она време кога си блескала најсилно а нашите експерти го знаат точниот пат до таму, твое е само да следиш.
ЗАЕДНИЧКИ ОСТВАРУВАМЕ ОДРЖЛИВИ ПРОМЕНИ
ПОВЕЌЕ ЗА НАС
Центарот за психологија и психоедукација АЛХЕМИА – Скопје е здружение на граѓани формирано во 2024 година со цел унапредување и заштита на менталното здравје и добросостојбата на поединците и заедницата.
Центарот е основан од Марија Грубор, дипломиран и лиценциран психолог и психодрама психотерапевт под супервизија со долгогодишно искуство во областите на психолошко советување, јавна психоедукација, психодијагностика и личен развој.
АЛХЕМИА постои за да ја направи грижата за менталното здравје достапна за секого.
ОСЛОБОДИ ГО УМОТ И ОЛЕСНИ ГО СРЦЕТО
ЧЕКОР ПОБЛИСКУ ДО ВИТАЛНОСТ И ЖИВОТНА РАДОСТ
Психолошкото советување може да ви помогне да ги коригирате искривените верувања, некорисните мисловни облици и мачните расположенија. Истовремено, ќе ви пружи и безбеден простор за истражување на себеси ослободен од осуда и предрасуди, како и поддршка во оздравување на самодовербата и самосочувството. Постојат многу одлични теми за разговор со психолог – овде можете да споделите сѐ што ви е на ум, а доверливоста е гарантирана.
КАКО МОЖЕМЕ ДА ВИ ПОМОГНЕМЕ?
ПСИХОЛОШКА ПОДДРШКА
Психолошката поддршка е општа форма на помош која се фокусира на создавање безбедна средина каде можете да ги изразите своите емоции и да добиете разбирање и валидација. Пристапот е ориентиран кон активно слушање и сочувствување, намалување на стресот, ублажување на емоционалните тешкотии и обезбедување чувство на прифаќање, без длабоки или интензивни интервенции.
ПСИХОЛОШКО СОВЕТУВАЊЕ
Психолошкото советување е структуриран процес кој вклучува истражување, разбирање и решавање конкретни проблеми или предизвици во живеењето. Фокусот е на подобрување на свесноста за себе и саморегулацијата, развивање стратегии за справување со потешкотиите, поставување цели и опремување со вештини за личен раст. Советувањето може да биде со физичко присуство или во онлајн формат.
ГРУПНИ РАБОТИЛНИЦИ
Групните работилници во АЛХЕМИА имаат искуствен и психоедукативен карактер и можат да бидат наменети за психолошка поддршка, советување или личен развој, со фокус на различни теми од психологијата како ментална хигиена, личен развој низ креативен израз, техники за емоционална регулација и сл. Групната работа може да се организира во редовен облик или во форма на еднократни програми со ограничено времетраење.
СЕКОГАШ ТУКА ЗА ВАС
Секогаш сме тука да ве придружуваме во развојот на вашето психолошко здравје, внатрешен мир и поквалитетен однос со себеси и светот кој ве опкружува. Во формата подолу, ве охрабруваме да ни ги поставите сите прашања од областа на психологијата кои ве мачат или инспирираат.